inquEDU. Falemos de Educación

“inquEDU. Falemos de educación” pretende ser un evento para compartir inquedanzas, divulgar ideas e fomentar o debate e a reflexión sobre a educación. Trátase dun espazo aberto dirixido a educadoras e educadores, pero tamén a nais e pais.

De que vai

Sobre o evento

Nesta segunda edición, o venres 25 pola mañá dedicarémolo @s máis nov@s. As asistentes poderán escoitar as charlas de Sandra Touza que participa no proxecto Edumotiva. Ademáis, tamén subirán ao escenario @s gañador@s do concurso ComunicaTedu para compartir a súa experiencia e o seu discurso.
Luis Vallecillo será o presentador de todo o que aconteza este venres pola mañá. Tamén estarán Mark Wiersma e Miguel Mosqueira para interpretar algunas cancións do seu musical futurista “Sira e o Robot“.
O sábado 26 pola tarde escoitaremos as charlas de Laura Lorenzo, María Acaso, Ramón Bermejo e Sandra González que mostrarán novos enfoques, ideas frescas e iniciativas innovadoras.
Con Carlos Pastor e Chema de la Torre poderemos “Aprender por Arte de Maxia“. Un proxecto docente sobre cómo algo pode resultar absolutamente imposible de entender ou totalmente trivial en función dos pasos concretos á hora de transmitilo. Estes magos, enxeñeiros e docentes modelaron cómo se crea, se representa e se explica un xogo de maxia e cómo aplicar o mesmo proceso para transmitir conceptos considerados tradicionalmente “dos máis difíciles” na aula.
Ademais estará con nós Román Rodríguez, para ser entrevistado e remataremos o evento cun show a cargo de Vicente Mohedano.

Horarios

O Sábado 26 empezamos ás 16:30 (recepción desde as 16:00) e remataremos ás 20:30. Faremos unha pausa sobre as 18:00 para un café.
O Venres 25 empezamos ás 11:00 (recepción desde as 10:30) e remataremos ás 14:00.

Info

Inscrición

A asistencia ó evento é gratuita e a inscrición realizase exclusivamente a través do formulario que podes atopar nesta web.
Podes asistir á mañá do Venres, á tarde do Sábado ou aos dous días.
Para calquera información escribenos a info@inquedu.org

Comunicadores

Luis Vallecillo

Compositor, músico e titiriteiro

Ademais, Luis é Técnico en Animación Sociocultural e socio fundador da Compañía “A Xanela do Maxín” xunto con Celtia Figueiras. No 2012 comezou a súa andaina en solitario e a día de hoxe podemos disfrutrar de creacións súas como: Cantamos un Conto? (2012); O Bigote de Mimí (2016) ou O Mundo de Carliños (2017). É tamén autor e produtor de catro pezas para Títeres.

VICENTE MOHEDANO

"PÉ no PEDAL!. Mobilidade Crítica."

Showman, director teatral e apaixonado en xeral, posúe un amplo currículo no mundo do teatro e no audiovisual, con participación en numerosas series de televisión, así como curtas e longas. Despois do feliz acollimento recebido na Galiciencia´18, Vicente traenos a Estrea Oficial do seu novo e aceleradísimo espectáculo: PÉ no PEDAL! .

CARLOS PASTOR

"Aprender por arte de maxia"

Enxeñeiro, empresario e apaixonado da innovación, tras a súa etapa investigadora na UPM durante máis de 6 anos, actualmente dirixe ALOHA Mental Arithemtic en Madrid Sur e é cofundador de Dardo&Co. Xunto con Chema de la Torre desarrolla este proxecto innovador e sorprendente de Maxia Educativa.

CHEMA DE LA TORRE

"Aprender por arte de maxia"

Chema é un enxeñeiro industrial que decidiu meterse a mago cando se deu conta de que facer un xogo de maxia consiste en “lograr algo que, en base aos datos dispoñibles e en función da análise que todo público experto fai desos datos, pódese demostrar que é imposible”. Ten unha empresa de “Desarrollo Estratégico Ilusionista” coa que se adica ao desenvolvemento de estratexias para que as empresas poidan conseguir obxectivos que o mercado podería demostrar que son imposibles.

LAURA LORENZO

"Porque sin cambios no hay mariposa"

Mestra en educación primaria e coordinadora de proxectos de innovación no CEIP Valle Inclán (O Grove) O seu labor docente, implementando ABP e Aprendizaxe Cooperativa na aula ofrecéndolles ás súas alumn@s a oportunidade de ser, estar e facer; compaxínaa coa formación do profesorado en metodoloxías activas nos centros de Pontevedra e Lalín.

SANDRA GONZÁLEZ

A Vila do Mañá

Arquitecta e Máster en Rehabilitación Arquitectónica, é a coordinadora e ideóloga do proxecto educativo "A Vila do Mañá" que ten por obxectivo que @s nen@s de Galicia tomen conciencia de todas as escalas do común: a arquitectura, o patrimonio, o urbanismo e a paisaxe.

RAMÓN BERMEJO

Cantante e Profesor de canto

Cantante, profesor de técnica vocal e canto moderno, e director de coros. Apaixonado pola música vocal, liderou destacados grupos e ademais fundou o Coro da Ra, primeiro en Galicia en facer música moderna, e que está a cumplir 25 anos. É un firme defensor da música como disciplina fundamental na educación infantil, e do canto coral como vehículo de integración na aula e método de educación emocional para @s nen@s.

MARÍA ACASO

Educación disruptiva + educación artística

Profesora titular da Universidade Complutense de Madrid e Responsable de Innovación no Rosan Bosch Studio, é unha das actuales líderes en España e Latino América dentro da denominada "Revolución Educativa". A súa principal liña de traballo consiste en evidenciar a obsolescencia do sistema educativo actual e desenvolver prácticas educativas contemporáneas na educación xeral e no terreo da educación artística.

Ademais, entrevistamos a Román Rodríguez

Licenciado en Xeografía e Historia pola USC con premio extraordinario, foi profesor na Universidade de León e é profesor titular do Departamento de Xeografía da USC. Nas eleccións de 2009 obtivo acta como deputado autonómico para ser designado posteriormente vicevoceiro do Grupo Popular e voceiro nos eidos de Educación, Urbanismo e Ordenación do Territorio. Desde febreiro de 2015 é conselleiro de Cultura, Educación e Ordenación Universitaria.